EL CUARTO DE MONA de DARÍO AUTRÁN

EL CUARTO DE MONA, é unha longametraxe do director Darío Autrán, un actor, guionista, director e montador de cine que ten unha dilatada e prolífica carreira no teatro, no cine e na televisión. El é natural de Pontevedra (1987), pero criouse na cidade de Ferrol e estudou o Bacharelato no IES Sofía Casanova. Abigail Montiel, antiga alumna, e actriz da serie Matalobos, nunha entrevista en La Voz de Galicia no 2016, lembraba que xa naquela época daba mostra de tener un mundo interior moi rico. “Acórdome que sempre estaba escribindo historias nas servilletas de papel da cafetería…” Darío, nesta película, na que participan recoñecidas figuras do audiovisual galego como, Sabela Hermida, Melania Cruz, Manuel Manquiña, Isabel Blanco, Pedro Picos, Xosé Bonome, Germán Torres, Rosalía Castro e Mayte Braña, conta a historia de Mona (Sabela Hermida) unha muller á que todo lle vai mal. Ela soña con ser actriz e en plena crise dos corenta, vese sen traballo, sen parella e sen diñeiro polo que decide rematar os seus días tirándose por unha ponte; con todo, unhas chamadas no último momento lembraranlle que queda pouco para os seus aniversarios. O que parece que pode ser un intento de volver á normalidade na súa vida desencadeará nunha semana frenética con todo tipo de situacións disparatadas. É unha comedia que fará rir ó espectador pero tamén mirar con ollos críticos canto o rodea. En palabras do propio autor, a película narra “unha semana frenética, un vía crucis profano” na vida desta muller. E propón unha “crítica amable e velada de todos os estamentos da sociedade”, á vez que quere dar visibilidade ao problema da saúde mental, “máis importante que nunca pola devastación que vivimos” nestes tempos de pandemia.

Estes días está sendo programada nos Multicies Odeón de Narón.

MEMORIAS DE UN SOLTERÓN

Emilia Pardo Bazán escribe nun período de madurez, Memorias de un solterón (1896) que xunta con Doña Milagros(1894), caracterizan a etapa naturalista na súa obra, inspirada polas lecturas de Balzac, Zola ou Galdós . A novela céntranse na descrición e análise das relacións entre home e muller, e na institución legal que as regula: o matrimonio. A situación da muller na súa época e un tema que desenvolverá tamén noutros textos e nalgún ensaio.“La educación del hombre y de la mujer”(1892) como podemos comprobar no libro: El encaje roto.

Memorias de un solterón está narrada en primeira persoa por Mauro Pareja, que nos leva a coñecer á familia Neira e á súa filla Feíta, en Marineda, na Coruña, nun ambente burgués. A autora emprega un ton irónico e cáustico co que irá caracterizando a sociedade do seu tempo, por medio do persoaxe de Feíta que co seu caracter impulsivo e rebelde enfróntase a sociedade sexista e reacionaria na que lle toca vivir.