Socas informa: A xuntanza do mes de novembro

Ola compañeiros! (xa non podo charmarvos rapaces):

QUE BEN O PASAMOS!

Estou aquí para facer unha crónica da nosa xuntanza do pasado martes. Non sei se me coñecedes, aínda que se preguntárades aos vosos fillos, todos saben quen son. E o martes estaba convosco, mais un pouco agochadiño no máis alto andar. E que aínda teño un pouco de vergoña e vos me impoñedes un chisco. Sobre todo eses dous tan serios que sentan xuntos. Creo que se chaman Guillermo e Emilio.

O caso é que estiven todo o tempo moi atento aos vosos comentarios. Gustoume moito a vosa participación. Falades máis cos rapaces. E xa é dicir.

Recoñezo que o moderador, Iñaki, ten moito estilo e moito xeito facendo cadriños, eixes cronolóxicos e mapas conceptuais. Deixoume un pouco abraiado. Non estivo tampouco mal o detalle dos carnés coas súas fundiñas e todo.

OPINANDO E OPINANDO

Penso que o libro gustou bastante e a algúns ata os fixo chorar. Cousa que de cando en vez non está tan mal. Para o vindeiro mes temos entre mans Novecento de Alessandro Baricco, que é moito máis curtiño e que espero que teña a mesma ou maior aceptación.

Espérovos a todos o día 17 de decembro.

Seguide disfrutando coa lectura. 

ATENTOS A IÑAKI

Bicos:

Socas.