martes, 26 de mayo de 2015

UN ÁRBOL CRECE EN BROOKLYN, 25-5-2015

Hoxe tivemos a sesión correspondente a Un árbol crece en Brooklyn (Betty Smith, 1943). Eramos poucos, pero non por iso deixamos de opinar: relación con outras obras, temas e motivos, estilo, detalles... Visións diferentes sobre esta obra, visións que deron pé a un interesante e vehemente debate sobre a educación e as súas posiblidades. 

Deixamos aquí o enlace á presentación "Betty Smith no Sofía", que inclúe dous booktrailers, citas (do capítulo inicial e final), unha aproximación á relación entre Betty Smith, (autora) e Francie Nolan (protagonista), repercusión e adaptacións (película de Elia Kazan, premiada con dous premios Óscar, musical de Broadway...), temas a debate e mesmo unha memoria de posgrao.   


Esquecemos informar sobre a sesión pasada, El maestro y Margarita. Satán, o gato, a elite literaria moscovita, Margarita, Poncio Pilatos e compañía non foron vistos do mesmo xeito polos membros do noso club. Alí estiveron, e hoxe volveron sobrevoar a Biblioteca do Sofía.

Esperemos que o gato perdoe esta -inoportuna- omisión...